WEES JOU EIE QUEEN BEE
k weet nie of dit in ander gemeenskappe ook só is nie, maar in die bruin gemeenskap het ons vroue mos ’n reputasie dat ons niks daarvan dink om mekaar af te kraak en af te breek nie. Daar is dikwels ’n onverklaarbare en onderdrukte jaloesie teenoor veral ander suksesvolle vroue en dit word graag beweer dat hierdie tipe vrou “haar lekker, kwaai of hoogmoedig hou”. En mens, as dit die dag sleg gaan met haar, is daar diegene wat hulle omtrent verlekker in haar verdriet.
