NET EENVOUDIG VROU
IN HAAR ougoud-en-swart uitrusting kan jy haar deur ’n ring trek waar sy in haar snoesige tuiste sit met mure vol Suid-Afrikaanse kuns – van Claerhouts tot ’n Bettie Cilliers-Barnard. Op 70 is sy ’n statige vrou in haar wikkelstoel met haar grys hare vars geklits by die salon hier naby.
Op haar ouderdom is Elise sover bekend die oudste transgender vrou in die land. Sy het al in die 1970’s die volle operasie ondergaan. Deurentyd het sy oop kaarte gespeel oor die nuwe lewe wat vir haar op 23 as vrou aangebreek het.
“Ek was in 1982 sewe weke lank in Technicolor op die voorblad van , seker meer as die eerste minister daardie tyd,” vertel sy. ’n Reeks uittreksels uit ’n manuskrip met haar lewensverhaal tot die
