Daar was nou genoeg hartseer in die wêreld van die Stryder-rugbyklub, veral nadat Kristien (Marlee van der Merwe) begin Junie deur ’n reeksverkragter ontvoer is en die hulpafrigter Jordan (Theodore Jantjies) onlangs bedank het. Daar kort weer lig, lewe en woema in die Stryder-kamp en gemeenskap, en die vier nuwe karakters wat hul buiging in Julie maak, is die perfekte doepa om onweerswolke te verjaag. Lees meer oor die manne en al die sappige drama en verassings wat nog in die sepie wag.
WOUTER OBERHOLZER
Francois Lensley, wat nou Wouter speel, se gesig is meer as net bekend nadat hy 20 jaar lank Marko Greyling in die Afrikaanse sepie 7de Laan (lees meer op ble. 30 en 31) was. Wouter is nou die Stryders se nuwe hulpafrigter. “Wouter was in sy jonger dae ’n gesiene rugbyspeler met baie talent,” sê Francois. “Nadat hy ’n besering opgedoen het, het hy hom op afrigting toegespits