In goeie hande
LEA parkeer onder ’n eikeboom agter die huis, of eerder paleis, want sy kan skaars glo dis net ’n woonhuis. Voor die ingang staan ’n vrou van iewers in die 50 jaar.
“Susan. Aangename kennis,” sê sy en glimlag. “Kom saam. Ons gesels sommer in die biblioteek.”
Tussen boeke wat tot teenaan die hemelhoë plafon strek, neem Lea plaas oorkant Susan, wat kiertsregop sit en haar byna ongesiens van kop tot tone betrag.
“Vertel my waarom jy aansoek gedoen het,” val Susan met die deur in die huis.
“Wel, ek het onlangs my werk verloor. Om ’n versorger te wees is nie my eerste keuse nie, maar my ma reken dis goeie ervaring.”
“En wanneer kan jy begin?”
“O, dadelik!” sê Lea en glimlag breed.
“Die ure is van agt tot vier; daarna neem die nagverpleegster oor. Jou hooftaak is om hom geselskap te hou en
