DIE HELE GESIN SING NOU SAAM
IN HIERDIE huis klink musiek aldag en byna heeldag op. Ma sing, Pa sing – en albei hul dogters sing ook. Want die Strydoms maak nie net musiek nie – hulle lééf musiek.
As dit nie ma Chereé (42) is wat in die kombuis ’n deuntjie neurie nie, is dit pa Wynand (46) in die studeerkamer. Ander kere klim jong Taylor-Hope (11) en Bella-Joy (9) op die verhogie in die hoek van hul pa se “man cave” en val agter die mikrofoon weg voor die klavier of met die kitaar in die hand.
Maar buite die houtvoordeur van die gesinshuis waar die musikale Strydoms al
