Briewe
MEESTERPLAN ‘VERRAAI BOERE’
Saai is bitter teleurgesteld oor die slonswerk wat as ’n “landboumeesterplan” opgedis word, en nog meer oor die vieringe van die ondertekening daarvan deur organisasies wat veronderstel is om na boere se belange om te sien. Die plan voldoen nie aan die minimum vereistes van wetenskaplikheid, billikheid, inklusiwiteit of duidelikheid nie, en is daarom tot mislukking gedoem.
Die landbousektor verdien ’n doeltreffender meesterplan wat alle belanghebbendes by die opstel daarvan betrek en geen belangegroep uitskuif sodat hulle verloorders word nie. Dit moet deur kundigheid en behoorlike prosesse onderlê wees en in eerlike en duidelike taal uiteengesit word.
Daar is drie fundamentele gebreke in die meesterplan wat onlangs in die parlement onderteken is:
■ Dit is
