SPRING IN DIE BED
DAAR is ’n paar lesse wat omtrent alle ma’s by hul kinders ingedril het – joune waarskynlik ook: Eet jou groente. Moenie grootmense in die rede val nie. Sit mooi. En dan, onder die heel belangrikste: Maak jou bed op. Nie net in jou huis nie, ook in die skoolkoshuis en in die weermag is dit een reël wat omtrent so vas staan as die Tien Gebooie.
Om ’n netjiese slaapkamer te hê is uiteraard belangrik. Nie almal gaan in sagte bedlinne, omring van aromas en estetiese beligting slaap nie, maar as jy tot ’n ouderdom van 70
