KYK UIT!
y is g’n vreemdeling vir SuidAfrikaanse TV-kykers nie én die woorde “ligte, kamera, aksie!” gaan sommer nog lank in die veteraanakteur Simon Bruinders (70) se ore weergalm. Toneelspeel is vir hom soos tweede natuur. Anders as van die ernstiger rolle wat Simon oor die laaste paar jaar vertolk het soos dié van Arnold Langley in , het hy sy komedieskoene vir die SABC2-reeks aangetrek om kykers se lagspiere ’n bietjie te prikkel. Hy vertolk die rol van Alvin Adonis, ’n voormalige kos- en drankbestuurder, wat homself nou in ’n aftree-oord bevind saam met drie ander bejaarde mans gespeel deur lan Roberts, Tobie Cronje en Amos Ketlele. Hulle beland dikwels in die moeilikheid weens hul streke omdat hulle met mekaar meeding vir die aandag van ’n bejaarde vrou wat ook in die aftree-oord bly.
