BAK IETS SPESIAALS
KAASKOEK-KARAMEL-BROWNIES
LEWER 20 GROOT BROWNIES BEREIDING EN BAK: 120 MIN.
BROWNIES
◗ 185 g botter
◗ 120 g donkersjokolade
◗ 5 ml (1 t) kitskoffiepoeier
◗ 3 eiers
◗ 180 g (225 ml) donkerbruinsuiker
◗ 100 g (190 ml) meel
◗ 40 g (100 ml) kakaopoeier, plus ekstra vir bestuif
◗ 5 ml (1 t) bakpoeier
◗ 2,5 ml (½ t) sout
◗ 120 g donkersjokoladeskyfies in 5 ml (1 t) meel gemeng
◗ 1 blik (360 g) karamelkondensmelk
◗ 100 g (160 ml) geroosterde, gekapte haselneute, effens gesout (opsioneel)
BOLAAG
◗ 300 g roomkaas
◗ 80 g (95 ml) strooisuiker
◗ 2 eiers
◗ 5 ml (1 t) vanieljegeursel of vanieljesade van 1 peul
◗ 15 ml (1 e) meel
1 Brownies Voorverhit die oond tot 180 ºC. Smeer ’n 21 x 29 cm-bakpan en voer met bakpapier uit.
2 Plaas die botter, donkersjokolade en kitskoffiepoeier in ’n klein kastrol oor lae hitte en roer tot gesmelt. Verwyder van die hitte en laat afkoel.
3 Klits die eiers en suiker saam tot lig en skuimerig, en voeg dan die afgekoelde sjokolademengsel by. Klits liggies tot gemeng.
4 Sif die meel, kakaopoeier, bakpoeier en sout saam en vou dit by die sjokolademengsel in vir die beslag.
Vou die sjokoladeskyfies in en skep die beslag in die voorbereide bakpan. Maak die bokant gelyk en bak
