‘Sonder isolasie kan ek nie skep nie’ Strijdom van der Merwe
Die stokou legende lui dat net twee stories bestaan: ’n Vreemdeling arriveer en ’n man gaan op reis. Gesoute lewensreisiger en landskapversierder Strijdom van der Merwe voldoen aan en vertolk albei rolle oortuigend . . . vir ’n lewe.
Binne ’n migrerende era is die vader van landskapkuns in Suid-Afrika ’n man met ’n missie. Hy arriveer, verken en los met sy vertrek ’n kunskolos wat versier, verklap en verkla. Klik oor ’n moderne mensdom verstik in vooruitgang en die lewe se vliet. Die hartklop daaronder straal hoop uit . . . troos tydens ongenaakbare winde.
Landskapkuns kan jy nie raam of huis toe vat nie, net met kiekies. Dit behoort aan Moeder Aarde, is verganklik en vra om eerstehands ervaar te word. Met dié kunsvorm word materiale, meestal op die toneel, kunstig gerangskik om die landskap te “orden”. Uitgelewer aan natuurelemente, verander en verdwyn dit oor
