MARAKELE-NASIONALE PARK
As jy gedink het die Bosveld is plat en lyk oral dieselfde, wag tot jy Marakele sien. Van die hoogste berge in die Waterberg toring hier bo doringbome uit en ’n mens kan eenvoudig nie ophou staar nie. Ryberg op tot by die Lenong-uitkykpunt vir ’n grootse uitsig en bekyk die kransaasvoëls wat hoog bo jou draai – hulle broeikolonie is hier naby.
DOEN DÍT Hier is elke dag twee wildritte, een in die oggend en een teen sonsondergang – elk sowat 2 ure. R315p.p.; R157 per kind 2-11 jaar.
Bewaringstarief R60p.p.; R30 per kind 2-11 jaar; gratis met ’n Wild Card.
VERBLYF Bontle-ruskamp: Kamp (met krag) vanaf R325p.n. vir 2 mense; R100p.p. ekstra; R50 per kind 2-11 jaar (6 mense per staanplek). Safaritente vanaf R1470p.n. vir 2 mense; R290p.p. ekstra; R145 per kind 2-11 jaar.
Tlopi-tentekamp: Safaritente vanaf R1705 p.n. vir 2 mense; R145 per kind 2-11 jaar. Motswere-kothuis (slaapplek vir 8 mense) vanaf R2 935p.n. vir 4 mense; R530p.p. ekstra; R265 per kind 2-11 jaar.
Waar? Sowat 12km noordoos van Thabazimbi.
Kontak ✆ 014 777 6928
MAPUNGUBWE-NASIONALE PARK
Suid-Afrika, Botswana en Zimbabwe kom in hierdie park tussen sandsteenkoppies en kremetarte bymekaar. Mapungubwe bestaan uit ’n oostelike en ’n westelike deel wat deur privaatplase van mekaar geskei word. Die samevloeiing van die Shashe-en Limpoporivier is in