ADDO-OLIFANT-NASIONALE PARK
Addo is bekend vir sy olifante, maar die res van die Groot Vyf kom ook hier voor. Die park het verskeie dele: Darlington, Kabouga, Zuurberg, Nyathi, Addohoofkamp, Colchester, Woody Cape en Voëleiland. Behalwe vir laasgenoemde, wat nie toeganklik is nie, kan jy danksy die goeie padnetwerk die res oor ’n langnaweek besoek.
DOEN DÍT Moenie die Woody Cape-deel van die park onderskat nie. Jy kan die Alexandria-duineveld besoek en op die Boomdassie-dagstap (7km) sien ’n mens pragtige voëllewe en boomorgideë.
Bewaringstarief R90p.p.; R45 per kind 2-11 jaar; gratis met ’n Wild Card.
VERBLYF Addo-ruskamp: Kamp met krag vanaf R350p.n. vir 2 mense; R100p.p. ekstra; R50 per ekstra kind 2-11 jaar (4 mense per staanplek).
Safaritent vanaf R945p.n. vir 2 mense. Woudhutte (slaapplek vir 4 mense elk) vanaf R1100p.n. vir 2 mense; R290p.p. ekstra; R145 per ekstra kind 2-11 jaar. Selfsorgchalets en-kothuise vanaf R1265p.n. vir 2 mense. Rondawel vanaf R1780p.n. vir 2 mense. Domkrag-en Hapoorgastehuis (slaapplek vir 6 elk) R5600p.n. vir 4 mense; R530p.p. ekstra; R265 per ekstra kind 2-11 jaar.
Langeboshutte in die Alexandriawoud: R1770p.n. vir 4 mense; R290p.p. ekstra; R145 per ekstra kind 2-11 jaar (slaapplek vir 8 mense).
Matyholweni-ruskamp: Kothuise vanaf R1695p.n. vir 2 mense; R290p.p. ekstra; R145 per ekstra kind 2-11 jaar.
Narina-boskamp: Tente met gemeenskaplike ablusiegeriewe.