WINS MET WRAKKE
Vir Darren Francis (40), oorspronklik van Tafelsig in die Kaap, was die koop en verkoop van eiendomme nooit deel van sy toekomsplanne nie, maar vandag spog hy trots met die Investor for Change-toekenning wat hy by die SA Property Investors Network gewen het. Hy is ook aangewys as hul belegger van die jaar 2021.
“Glad nie te versmaai vir iemand wat gesê was dat hy niks van sy lewe gaan maak nie, nè?”sê-vra Darren met ’n glimlag wat boekdele spreek.
Dit is ’n baie ontspanne Darren wat vertel dat hy in ’n gemeenskap grootgeword het waar bendegeweld en ander sosiale euwels geseëvier het – Mitchells Plain.
“My kinderjare was baie traumaties, ja dit was lekker ook, maar baie traumaties. Jy
