# 1 Breek ’n slag weg
WIE Marilouise en Jacques van der Merwe
WAAR Swellendam
The Greenhouse, ’n luukse toevlug op die plaas Fazenda buite Swellendam, staan reg midde-in ’n afgeleë woud. Daarom wou sy hê dit moet vir haar gaste voel asof hulle buite slaap, vertel Marilouise, die eienaar. “Tussen die glasmure kan mense ’n interaktiewe ervaring met die omgewing geniet.”
Hoewel die kleurskema neutraal is, verskaf groen die vernaamste aksente tussen spatsels blou. Teen die muur agter die bed is herwinde plafonpanele opgesit en wit geverf; wit metroteëls in die badkamer sluit daarby aan (ook oorkant) en onderstreep die skoon styl in die ruimte.
“Hier in The Greenhouse heers daar vir my ’n diepe bekoring, byna soos in ’n teater, wat jou dadelik laat vergeet van al die spanning van die alledaagse lewe.”
[ MARILOUISE SE BESTE RAAD ]
• Dis belangrik dat daar ’n verwantskap tussen die gebou en die binneruimte is, hetsy in die styl of die struktuur.
• Gaan soek na spesiale artikels wat jou ruimte besonders maak; en as dit funksioneel is, soveel te beter.
• Sorg bo alles dat jy die projek geniet!
KONTAK fazendaswellendam.co.za
# 2 Hart en siel
WIE Maxine Storer
WAAR Johannesburg
Toe Lisa Storer hierdie kamer vir haar 20-jarige dogter Maxine ontwerp het, het sy nie ’n bepaalde styl
