MAMMA KLIM NET NOG ’N BERG
AS JONG ouers moes hulle al saam ’n leeftyd se seer trotseer – die soort seer wat alle ouers vrees – toe hul jongste dogter eers gestremd gelaat en toe oorlede is.
En ’n jaar en ’n half ná klein Mienke (3) se dood erken Ryno en Verna Mulder van Benoni hulle het nog nie dié pyn verwerk nie.
Maar nou staan hulle reeds voor hul volgende berg: Verna (30) het enkele dae voor Huisgenoot se saktyd die skoktyding gekry dat aggressiewe borskanker by haar gediagnoseer is.
Selfs in haar skoktoestand is Verna se grootste bekommernis oor hul twee ander kinders, Leané (8) en Zamoné (6).
“Ek wil nie hê hulle moet sonder ’n mamma grootword nie,” sê sy. “Ek dink nie eens aan
