1 Vertel vir ons wie Mynhardt is.
Ek is die somtotaal van ’n klomp ryk lewenservarings – groot hoogtepunte, laagtepunte, harde werk en ’n baie kleurvolle lewe gevul met hartsmense, mentors, kos-ikone en omgeemense wat my gevorm het tot op hierdie punt. Ek wou graag hulde bring aan almal wat deel was van my lewe sover en ek hoop lesers sien Mynhardt se hart in die boek.
2 Wat maak hierdie boek van jou uniek?
Dit vertel my storie. Soos wat ek die boek aanmekaargesit en begin skryf en vertel het, het ek net weer besef hoe geseënd ek was en is en hoe daar niemand anders soos ek is nie. Die boek reflekteer hierdie gedagtes en is gevul met alles en almal vir wie ek lief is.
3 Jy is nie bang vir kleur nie, van jou dekor tot die kos op jou borde. Waarom is kleur vir jou so belangrik?
Ek dink kleur was maar nog net altyd daar. Dit was nie ’n doelbewuste besluit nie, maar so ’n integrerende deel van wie en wat ek is, dat ek nie kan keer om dit te laat uitkom nie. Elke keer as ek
’n huis begin versier of verf, dan dink ek oukei, miskien kalmer en rustiger dié keer . . . en wanneer ek myself kry, dan vloei die kleure weer. Kleur vertel ’n
