Die misterie verdiep
Dinge lyk nie goed vir drs. Annelize (Cindy Swanepoel) en Tertius (Reynardt Hugo) ná hul onlangse motorongeluk nie. Annelize ly aan geheueverlies en Tertius is in ’n koma om enige verdere skade aan sy liggaam te voorkom. Die hele ongeluk is verdag. “Al wat Annelize kan onthou, is sy en Tertius was op pad om Jazzy (Stephanie Ndlovu), die Tik-Tok-ster, te gaan sien toe daar ’n skerp lig voor hul motor skyn en sy toe later in die Binneland-kliniek wakker word,” sê Cindy. “Of iemand in ’n ander motor hulle opsetlik in ’n ongeluk laat beland het en of hulle net beheer oor die voertuig verloor het, weet Annelize nie. Maar sy is nie oortuig dit was net ’n ongeluk nie.”
Om die misterie te ontsyfer begin Annelize self ondersoek instel, maar sy hou haar kaarte styf teen haar bors, want wie kan sy nou eintlik naas Tertius vertrou? Sy gaan (Odelle de Wet) wat tans in die tjoekie sit op aanklag van moord.
