TAFELBERG, MY KAAPSE DOKTER
RUDY VAN DIEMAN (26), KABELKAROPERATEUR EN TOERGIDS
‘IN MY grootwordjare op die Kaapse Vlakte kon ons nie selfone bekostig nie. Ek en my broer het in die pad wegkruipertjie of sokker gespeel. Ons kon Tafelberg van ons huis af sien – van die bokant van my ma se kamervenster af.
Om saam met ons vriende in die pad te speel was een van my hoogtepunte as kind. Op hoërskool het dinge vir my anders begin raak. Op skool het ek baldans gedoen en sokker gespeel. Maar later, in gr. 9, het dinge in die gemeenskap soos die bendes nogal cool begin lyk. Die manier van loop en hoe hulle praat. Op een stadium was
