GESTEEL: 7 000 GOGGAS
DIS ’n wenresep vir ’n naelbytstorie, en verskeie reekse en flieks oor inbrake by banke of plekke met waardevolle kuns of juwele het al kykers vasgenael gehou.
Maar nou maak ’n nuwe dokumentêre reeks oor ’n heel ander soort rooftog opslae – en hierdie keer is dit wat gesteel word lewend.
Dis ook baie kriewelriger as kuns en grilleriger as geld. Die reeks Bug Out vertel van een van die grootste insekrooftogte ooit: nie kuns, diamante of goud nie, maar goggas.
En dit het regtig gebeur. Die reeks vertel van die gebeure in Augustus 2018 toe sowat 7 000 goggas ter waarde van
