ONS HUIS OP WIELE
huisgenoot.com 10 MAART 2022 95 NOGAL nie sleg vir ’n agterplaas nie … Onder ’n enorme swartwattelboom staan ’n kampeerwa, met ’n kleinerige afdakkie langsaan, en op die agtergrond lyk die Cederberge se rotse soos klipstapels wat oor die eeue heen deur die voormense gepak is.
Maar dis nie net ’n kampeerplek vir die akteurspaartjie Stiaan Smith en Elani Dekker nie – van Desember af al noem hulle dié “onssewa” huis. Hulle vertoef ’n wyle hier, maar ook dít is net een van die rusplekke op hul pad.
Die besluit om hul stadslewe in Johannesburg vaarwel te roep broei al sedert die inperking, vertel die twee waar hulle vandag ontspanne voor die kampeerwa sit. En toe
