DIE STERRE AGTER ONS STERRE
Jy ken Barack Obama se naam. Maar David Plouffe, wie’s dit? As Obama se veldtogbestuurder in 2008, net maar die man wat hom gehelp het om die 44ste Amerikaanse president te word. En ná sy topverkoperboek, The Audacity to Win, nie meer so onsigbaar nie.
Toe een van Obama se voorgangers, Woodrow Wilson, in 1919 ’n ernstige beroerte kry, het sy vrou, Edith, die presidensie se leisels oorgeneem. Historici reken nou sy was basies die land se uitvoerende hoof tot haar man se tweede termyn in 1921 verstryk het.
Die skrywer David Zweig noem hulle “onsigbares”, mense wat ons meestal nie raaksien nie, maar belangrike werk doen. In sy boek Invisibles: The Power of Anonymous Work in an Age of Relentless Self-Promotion, vertel hy die stories van talentvolle mense in loopbane waar hulle geen uiterlike erkenning kry nie.
Ons maak ook só. Ontmoet hier vier Suid-Afrikaners wat agter die skerms ’n onmisbare rol speel.
Aanvanklik dink jy jy gaan iemand se lewe verander
CLAUS KEMPEN, gids vir ’n Paralimpiese atleet
Hulle verskil soos dag en nag. Estean Badenhorst is ’n ernstige, strategiese denker. Claus
