STERRE IN MY OË
Sy’t nooit eens geweet elke fliek het ’n stilfotograaf nie, maar toe sy uitvind, kon niks haar keer nie – nie eens ’n wêreldwye pandemie nie
ANIKA MOLNÁR (32), FOTOGRAAF OP INTERNASIONALE FLIEKSTELLE
EK EN my pa het altyd flieks bestudeer. Ons het flieks gepause en rewind en ontleed.
Dan sal ons sê: Is dit nie amazing dat hulle iets so gedoen het of die kamera so gedraai het nie? Of ons kyk na ’n ekstra in die agtergrond wat duidelik iets nie so lekker verstaan het nie. Dan lag ons. Ek dink dis waar my passie vir films vandaan kom – danksy my en my pa se liefde vir films.
Hy was ’n apteker. As seuntjie het hy in 1956 uit die Hongaarse rewolusie
