TURKS OP JOU TAFEL
SAKPAS BAKLAVA-ROLLETJIES
LEWER 16 ROLLETJIES
BEREIDING: 20 MIN.
GAARMAAK: 35-40 MIN.
BAKLAVAS
• 50 g amandels
• 125 ml (½ k) sonneblomsaad
• 60 ml (¼ k) sesamsaad
• 30 ml (2 e) bruinsuiker
• ’n knippie sout
• 250 g filodeeg
• 125 ml (½ k) botter, gesmelt
STROOP
• sap en fyngerasperde skil van 1 lemoen
• 60 ml (¼ k) suurlemoensap
• 125 ml (½ k) suiker
AFRONDING
• fyngerasperde skil van 1 lemoen
• versiersuiker, vir oorsif
Voorverhit die oond tot 190 °C. Bespuit ’n diep 20 cm-koekpan goed met kossproei en voer die bodem met bakpapier uit.
1 Baklavas Rooster die amandels en sonneblomsaad in ’n droë pan tot ligbruin. Skep uit en hou eenkant. Rooster die sesamsaad in dieselfde pan tot die saadjies begin verkleur en voeg by die amandelmengsel. Laat eenkant staan om heeltemal af te koel.
2 Plaas die amandelmengsel in die bak van ’n voedselverwerker en pols tot grofgemaal. Skep uit in ’n mengbakkie en voeg die suiker en sout by. Meng goed.
3 Verf ’n vel filodeeg met die botter. Plak nog ’n vel filodeeg bo-op en verf weer met die botter.
Sprinkel ’n kwart van die strooisel oor en sit nog ’n vel filodeeg bo-op. Plak weer ’n vel filo bo-op en
