OORWINTERING IN SOMERREËNGEBIEDE Hooi, staande hooi en kuilvoer
Hooi, staande hooi en kuilvoer was nog altyd deel van menige veeboer in die somersaaigebiede se oorwinteringstrategie.
Dit kos ewe veel om hooi en kuilvoer van goeie gehalte as van swak gehalte te maak. Waarom dan nie na goeie gehalte streef nie?
Suksesvolle oorwintering is juis gerig op daardie diere met hoë voedingsbehoeftes in ’n tyd wanneer die natuurlike weiding gewoonlik nie in hul behoeftes kan voorsien nie. Daarom behoort die klem op goeie gehalte en voedingswaarde te wees. Soms val die klem op hoeveelheid (kwantiteit) ten koste van gehalte en voedingswaarde.
HOOI
Die gehalte van hooi word deur die volgende faktore bepaal.
Gewoonlik lewer peulplante hooi van baie goeie gehalte. Dit is veral lusern en armmanslusern wat baie gewild is. Hoewel grasse inherent ’n laer voedingswaarde as peulplante het, is daar tog grasspesies wat hooi van ’n aanvaarbare gehalte lewer. Die gewildste somergrasse wat vir hooimaak gebruik word, is oulandsgras, tef, smutsvingergras, witbuffelgras, rhodesgras en borseltjiegras, hoewel “wintergrasse” soos hawer en rog ook dikwels vir hooi aangewend word. Elke gewas het sy
