‘GESEËN’ MET 44 KINDERS

DIT klink onmoontlik, maar sy het al geboorte gegee aan meer kinders as wat sy lewensjare agter die rug het: Mariam Nabatanzi (40) van Uganda het al 44 babas deur 15 swangerskappe in die lewe gebring.

Sedert sy ’n paar jaar gelede onder die aandag van ’n gefassineerde wêreld gekom het, daag mediaspanne gereeld by “Mama Uganda” se beskeie woonplek op om haar storie te bevestig.

Elke keer vertel sy opnuut vir die kamera: “Dit is waar; die kinders is almal myne.”

Sy het ook al vertel: “Ek is nie spyt oor enigiets nie, en ek is lief vir hulle en so trots op hulle, want ek is hul enigste ma.”