VAN MY KINDERJARE BEROOF
‘OM TE DINK DAT EK HAAR ELKE WEEKDAG WEER IN SY KLOUE GAAN AFLAAI HET’
DIT lyk na ’n doodgewone fotoherinnering aan ’n sorgelose kleintyd, maar sy ril vandag terwyl sy na die foto kyk waarop sy as sesjarige meisie by twee volwassenes staan.
“Kyk sy hand op my skouer,” sê Natanya Pienaar (nou 23) en die rilling ruk deur haar hele lyf.
Met ’n stem vol afgryse voeg sy by: “Hy het my ge-groom; vir my meer lekkers as die ander kinders gegee.”
“Hy” is Hermanus Senekal, die voormalige eienaar van die Byekorf-kleuterskool op Balfour in die Vrystaat. Agter die meisie staan sy oorlede vrou, Marie.
Senekal is die man wat Natanya van haar kinderjare beroof het, haar verander het in ’n emosionele wrak wat
