GOD HÚL GIDS
Die Wessos, ’n sangtrio van Borcherds, in George in die Suid-Kaap, glo hulle is die Here se soldate en geïnspireer deur die Heilige Gees. Hulle glo vas hul boodskap van hoop kom straight vanuit God se troonkamer. Dié begeesterde sanggroep het uiteindelik hul eerste gospelalbum bekendgestel – nou’s hulle éérs die ene vuur en vlam.
Verlede jaar het die ouens harte gesteel toe hulle vyfde geëindig het in Emo Adams se Maak my Famous show op kykNET.
Maar dit was nie die laaste sien van die Wessos nie. Nou wil hierdie broers Lee-Roy (27) en Shu-Shane (32) saam met hul neef Emmanuel, oftewel Manny (30), die Woord deur hul musiek aan die beweeg kry. Dié dat die album heet, vertel hulle entoesiasties.
