BUITE DIE PARK
LANGS DIE R360: UPINGTON – ASKHAM
17 Kalahari Guesthouse, Camping & Farmstall
Sowat 50 km buite Upington en 120 km suid van Askham. Dié gastehuis het slaapplek vir 6 mense in 3 en suite-kamers met waaiers en/of lugverkoeling, elektrisiteit en gas. Dis selfsorgverblyf, maar etes is beskikbaar op bestelling en hier is braaigeriewe. R400 p.p.p.n.
Die boskamp het 2 selfsorghuisies langs ’n dam. Die huisies is met driedoringtakke gebou. Ligte, warmwaterstorte en spoeltoilette. Boshuisie met 2 beddens R750 p.n.; 4 beddens R950 p.n.
Die kampterrein langs die dam het ’n selfsorgkombuis met ’n tweeplaatstoof en ligte, braaigeriewe en ablusiegeriewe. R160 p.p.p.n.
Kameeldoringhout te koop: R35 vir ’n bondel; R80 vir ’n groot sak. Koel af in die swembad, stap, ry fiets, kyk voëls of koop lekkernye by die padstal (sien kassie op bl. 114).
073 194 2864 (Riana Loots);
18 Rooipan Gastehuis
Sowat 60 km suid van Askham. Hierdie gastehuis het slaapplek vir 6 mense in 3 dubbelkamers.
Hier is ook ’n tuinwoonstel met slaapplek vir 3 mense. Hier is ’n yskas, ’n gasstoof en ’n rak vol boeke oor die omgewing. Gaste het toegang tot die tuin, swembad, braaigeriewe en ’n kaggel. Wi-Fi is beskikbaar en hier is lugverkoeling. Selfsorg R450 p.p.; B&O R650 p.p.; B&O met aandete R900 p.p. (etes slegs op bespreking vir 6+ mense; hout gratis).
Gaan stap in die duine, of bespreek ’n skemerkelkuitstappie (R150 p.p.) na ’n hoë duin. Lizette Knoetze, die eienaar, sal jou meer vertel oor die geskiedenis, boerdery en plantegroei van dié dorre streek. Tot 72 voëlspesies is al hier geïdentifiseer, onder meer 11 verskillende soorte lewerike.
082 415 1579 (Lizette Knoetze);
ASKHAM
19 Kalahari Sands-gastehuis
In Askham, langs die NG kerk. Rustig, gemaklik en in ’n voëlryke omgewing. Die selfsorgverblyf is in losstaande eenhede – sommige was vroeër
