Gin en Tonic se pa

WILLEM is nie mal oor katte nie. Inteendeel, hy hou niks van katte nie. Hulle is passieloos en selektief, hulle verrinneweer gordyne met hul vlymskerp naels, en dra muise as geskenke vir hul eienaars aan. En genade, is hulle lui!

Sy ma se gryswit Persiese kat het hom altyd aangekyk asof hy ’n indringer in hul huis is. As hy in die middae ná skool tuisgekom het, het Coco, soos ’n bedorwe prinses, uitgestrek in die voorportaal gelê. Met haar koperkleurige oë op hom gerig, het sy hom aangestaar sonder om ’n millimeter te beweeg. Selfs haar welige stert sou bewegingloos uitgesprei lê.

Willem het vele kere probeer om Coco op sy skoot te tel as hy voor die televisie gaan sit het om te kyk. Maar Coco het tekere gegaan asof hy haar wou verwurg. Omkoop het ook nie gehelp nie. Tuna, kaas, ’n stukkie hoender