VYF JAAR VAN HOOGDRAMA
DIT is ’n moordverhaal met al die elemente vir ’n blitsverkoper of rillerfliek. In die hoofrolle: ’n suksesvolle sakeman, sy pragtige, blonde vrou en sy ewe aanvalllige donkerkopminnares. Dis ’n plofbare liefdesdriehoek, en toe hulle hulle saam by ’n konferensie in ’n luukse hotel op ’n skilderagtige wynlandgoed bevind, loop die gemoedere hoog. Die naweek eindig tragies toe die blonde vrou se lewelose liggaam agter ’n toe badkamerdeur aangetref word.
Was dit selfdood – of dalk moord?
Maar dié moordraaisel wat Suid-Afrikaners al meer as vyf jaar lank boei, is geen fiksie nie. Agter die nuusopskrifte en hofverskynings is ’n tragedie van verwoeste lewens en bedroefde familielede.
Die dood van die blonde Susan Rohde (47) het haar dogters – ’n 21-jarige tweeling en hul 23-jarige ousus – en ander familielede verpletter, en dit het Jason Rohde (52), eens die uitvoerende hoof van die eiendomsagentskap Sotheby’s in Suid-Afrika, agter tralies laat beland nadat hy skuldig bevind is aan haar moord.
Ook sy voormalige minnares en kollega by die eiendomsagentskap, Jolene Alterskye (nou 41), se lewe het ingrypend verander toe hul eens geheime affair voorbladnuus word. Sy het dreigende e-posse ontvang en party kliënte van die eiendomsagentskap het geweier om met haar saam te werk, het ’n bron aan vertel.
You’re reading a preview, subscribe to read more.
Start your free 30 days