DIE vrou wat in die beskuldigdebank staan, is haar eie bloedsuster. Maar die oomblik toe die regter haar lewenslank tronk toe stuur, bars Joyce Ndlovu in trane van verligting uit.
Die monster, haar suster die reeksmoordenaar, sal nie meer haar eie familie kan seermaak nie. Die nagmerrie is eindelik verby.
In die beskuldigdebank luister die voormalige polisiebeampte Rosemary Ndlovu uitdrukkingloos terwyl sy die een ná die ander lewenslange vonnis opgelê word. Een vir die moord op haar verloofde en een vir elk van vyf familielede van haar wie se bloed sy verspil het.
Die rede vir die bloedspoor? Altesaam R1,4 miljoen aan lewensversekering. En voor Rosemary in 2021 vasgetrek en skuldig bevind is, was Joyce en dié