TWEE DAPPER VRIENDINNE
Die eetsaal woel. Dis vinnig besig om vol te raak vir aandete. Almal skarrel, want niemand wil laat wees nie. Die kinderhuiskok kan baie mislik wees. Jy kry dan gewoonlik net een klein porsie van die hoofgereg en geen nagereg as jou straf.
Niemand waag om iets te sê nie, want sy kan glo kinders op hul koppe laat dans of hulle in vreemde gediertes verander. Daar loop stories dat een van die kinderhuiskinders eenkeer haar kos in die drom gegooi het omdat dit smaakloos was. Toe die kok daarvan te hore kom, het sy haar gedwing om die kos uit die drom uit te eet.
Van daardie dag af het niemand ooit weer iets gesê oor die kos nie. Almal eet net en loop. Maar sy is nie die enigste nare een daar nie. Dít weet almal. Die kinderhuismoeders laat almal ook gril.
Die eetsaal word al hoe voller en die heen en weer gepratery van
You’re reading a preview, subscribe to read more.
Start your free 30 days