TWEE DAPPER VRIENDINNE
Layla was maar net ses jaar oud toe alles soos sy dit geken het, verander het. Sy onthou die gebeure soos gister
Die musiek brul oor die luidsprekers terwyl Layla se ma, Tina, en haar stiefpa, Lyle, sing, dans en drink. Alles vibreer. Haar broer, Ryan, wat in graad 12 is, is besig om vir ’n toets te leer. Sy is op die bank voor die televisie gesit met poppentjies as vermaak en gemorskos wat soos ’n buffet voor haar uitgelê is. Genoeg om haar die hele aand besig te hou totdat sy aan die slaap raak.
Daar is ’n klop aan die deur. Vir die hoeveelste keer die aand. Niemand hoor nie en Lyle skrik toe hy ’n figuur in die deur sien.
“Kan julle asseblief die musiek sagter sit?” skree een van die bure oor die geraas.
Lyle gooi die deur in die een se gesig toe.
Verskeie bure het al gaan vra en toe hulle nie wil
