TWEE DAPPER VRIENDINNE
Dis laataand. Al die kinderhuiskinders is in hul kamers. Layla staar na die plafon – peinsend oor wat volgende moet gebeur. Iets móét gedoen word.
Amy slaap rustig nadat sy vroeër ’n paniekaanval gehad het. Layla is nie verbaas nie, veral nie ná wat hulle uitgevind het nie. Moeder Lia en Mina is besig met onderduimse goed. Daar is liegstories in die kinders se lêers en hulle weet uiteindelik waarnatoe die“probleemkinders”verdwyn.
Voordat hulle nog die bewyse kon vat, moes hulle spat. Layla lê en maak planne om die gedokterde lêers in die hande te kry tot haar oë toegaan sonder dat sy dit agterkom. Haar planne en drome smelt saam.
Die volgende dag vlieg tot ná skool. Layla het pouse alles vir Amy vertel. Steeds skrikkerig en kwaad het hulle elke detail van hul plan vir die aand verder uitgelê.
Weer sluip hulle ná donker na die kinderhuismoeders se kantoor toe. Hul oë rek wyd toe ’n deur in die verte klap. Layla sit haar hand op haar bors. Sy
