Ertjiesop met gerookte varkskenkel
Ertjiesop laat my dadelik dink aan my laerskooldae in die koshuis – die ertesop wat ons dáár moes eet, het gemaak dat ek tot vandag toe nog puntenerig is oor sop. Dié lekker resep wat ek in die grendeltyd probeer het, het my van deuntjie laat verander.
Genoeg vir 4-6
Bereidingstyd 30 minute plus 1 uur staantyd
Gaarmaaktyd ± 3 uur
JY BENODIG
• 200g droë ertjies
• 2 uie, grofgekap
• 2 wortels, grofgekap
• 2 selderystele, grofgekap
• 1 heel gerookte varkskenkel van ongeveer 1kg, in vars water gewas en met kombuispapier drooggedruk
• 300g bevrore ertjies
• sap en skil van 1 groot suurlemoen
• croutons om voor te sit
• suiker-ertjies of roketblare vir garnering
SÓ MAAK JY
Spoel die droë ertjies onder koue water af. Gooi dit dan in ’n diep bak, bedek dit met vars koue water en laat dit vir ’n uur staan. Verhit intussen die oond tot 180ºC en smeer ’n groot oondbak of -pan met olie. Pak die ui, wortel en seldery daarin en sit die varkskenkel bo-op. Geur dit met sout en varsgemaalde swartpeper en bak dit vir 1½ uur.
Skep die vleis, groente én pansappe oor in ’n diep kastrol. Voeg 2ℓ water by. Dreineer die droë ertjies en gooi dit ook in die kastrol. Verhit dit tot kookpunt, verlaag die hitte en laat dit vir 1-2 uur prut of tot die skenkelvleis van die been af begin loskom. Skep die varkskenkel uit die sop – probeer om al die vleis, vel én die been uit te kry – en hou dit eenkant. Voeg die bevrore ertjies, suurlemoensap en -skil, en sout en varsgemaalde peper na die smaak by. Gebruik ’n staafmenger om die mengsel fyn te pols. Skep die skenkelvleis, -vel en -been terug, proe weer en geur die sop, indien nodig.
Sit dit voor met croutons en vars heel suiker-ertjies of roketblare vir
