BRIEWE
DUBBELE SPIERE HET BAIE NADELE
Die artikel “SA boere werk saam om dubbelbespiering te pak” (L BW , 29 Julie) oor dubbelbespiering by vleisbeesrasse in Suid Afrika het betrekking.
Saam met dubbelbespieringsgene in ’n ras verskyn ’n hele rits nadelige eienskappe. Die heterosigotiese diere (50%-dubbelbespierd) wat deur telersgenootskappe goedgekeur word, dra nadelige gene wat aan die nageslag oorgedra word. Dit is juis die bulle wat mooi bespierd en aantreklik vir telers is, wat meer nadele as voordele bring. As enige eienskap oorbeklemtoon word, word ander eienskappe nadelig geraak.
Ek is as konsultant by verskeie vleisbeeskuddes van verskillende rasse betrokke. Ek het reeds oor ’n hele paar jaar ondersoek ingestel na die effek van dubbelbespiering op die dier en sommige belangrike eienskappe. Hier is enkele gevolgtrekkings:
■ Geboortegewigte neem toe. By ’n sekere ras het die gemiddelde geboortegewig in die afgelope 15 jaar met 5% van 36 kg tot 38 kg toegeneem. In ’n studie deur SA Stamboek is gevind dat draers van sulke gene se geboortegewig 4,2% hoër was as diere sonder die geen. ’n Swaarder geboortegewig veroorsaak dat die baarmoeder langer duur om te herstel, wat die tussenkalfperiode verleng.
■ Melkproduksie word. Hierdie gene word dus vermeerder met die volgende voorkomseienskappe wat geraak word:
