HOENDER IS KONING
GEBRAAIDE PLATHOENDER MET ’N APPELBIER-GLASEERSEL
Hoender word veel vinniger en meer eweredig gaar as jy dit oopsny en platdruk, veral as jy van plan is om dit te braai. Die appelbierglaseersel sorg vir ’n fantastiese, soet, vrugtige geur en word nader aan die einde van die gaarmaaktyd aangeverf om te keer dat dit aanbrand.
Genoeg vir: 4-6
Bereidingstyd: 30 minute, plus marineertyd
Gaarmaaktyd: omtrent 1 uur
♥ 1 heel hoender
♥ 1 bottel (340 ml) droë appelbier
♥ 2 knoffelhuisies, fyngedruk
♥ 1 ml gerookte paprika
♥ 125 ml tamatiesous
♥ 30 ml heuning
♥ 5 ml dijonmosterd
♥ 10 ml worcestersous
♥ 30 ml appelasyn
LENTEGROENTEBREDIE
♥ 300 g waterblommetjies
♥ 15 ml canola-olie
♥ 1 ui, gekap
♥ 1 Granny Smith-appel, geskil en fyngekap
♥ 250 ml tuisgekookte of aangemaakte hoenderaftreksel
♥ 200 g elk groenbone en langsteelblomkoolblomme
♥ vars suurlemoentiemie, vir garnering
1 HOENDER: Gebruik ’n kombuisskêr of baie skerp mes om die hoender weerskante al langs die ruggraat oop te sny. Verwyder die been. Draai die hoender om en druk dit met die onderkant van jou handpalms plat. Gebruik ’n skerp klein messie om ’n paar snye deur die vel tot in die vleis te maak.
Meng 250 ml van die appelbier, die knoffel, paprika en sout en varsgemaalde swartpeper na smaak en vryf die hoender oraloor daarmee in. Bedek die hoender en laat dit vir minstens 1-4 uur maar verkieslik oornag marineer.
You’re reading a preview, subscribe to read more.
Start your free 30 days