Sielshulp vir droogte se byt

KORTOM

■ Te midde van ’n droogte en die covid-19-pandemie het afsondering in die Noord-Kaap ’n bykomende betekenis gekry.

■ ’n Hulplyn wat 24 uur beskikbaar is, is gestig om boeregesinne by te staan met die swaar emosionele las.

■ Ondanks die swaarkry is daar suksesstories waarin uitkoms gebied is – en daar is “altyd hoop”.

Vir mnr. Hannes Esterhuyse is daar nie ’n streep te trek in die vaal, verdorde vlaktes om sy werf nie. Hy gaan nie die hekke op sy plaas sowat 45 km buite Williston in die Noord-Kaap toestoot nie, nie as dit van hom alleen afhang nie.

Al blêr die honger Dorpers tot in sy siel, selfs in sy drome. Die verkleinde kudde wat al om sy werf in krale maal. Dag ná dag, sewe dae van die week. Blêr, blêr, blêr wanneer