TERUG SKOOL TOE
IN HAAR skooldae het sy al geweet toneelspeel is hoe sy eendag haar brood wil verdien. Maar nooit sou Franci Swanepoel toe kon raai dat sy meer as 30 jaar later na die Hoërskool Linden sou terugkeer in die rol van ’n bekommerde enkelma nie.
Tonele vir die kykNET-spanningsdrama Spoorloos: Steynhof, waarin die veteraanaktrise die rol van Therese van Tonder vertolk, is by die einste skool geskiet waar Franci (49) in 1989 gematrikuleer het.
“Watter ondervinding was dit nie om weer daar te kom nie,” vertel sy. “Maar sjoe, dit het intussen so verander dat ek skoon verdwaal het! Dit het my ’n rukkie gevat om te onthou waar die saal is en waar die hoof se kantoor
