Is dit skaakmat vir die grondkwessie?

As pionne op ’n skaakbord gevoelens, kommer, woede en onsekerheid kon hê, sou enigeen wat in Suid-Afrika eiendom en spesifiek landbougrond besit, met hulle kon identifiseer.

Daar is een groot verskil om in vlees en bloed as pion in só ’n skaakspel betrokke te wees, waar groot skuiwe in Suid-Afrika se demokratiese parlement namens en met jou gemaak word deur mense wat jy nie kan beheer nie, en wat jou met een verkeerde of ondeurdagte skuif uit die spel kan verwyder. Dit is dat hierdie geen spel is nie. Dit is werklikheid, en in veral die landbou kan dit die verskil tussen behoud en vergaan beteken – dít is hoe ernstig die debat oor onteiening sonder vergoeding is.

In sulke toestande, en met vele bydraes van wisselende peil deur belanghebbendes wat dikwels benewens omgee vir die landbou ook ander oorwegings het, is dit werklik noodsaaklik om koelkop te bly, agendas