Ná jou baba se geboorte moet jy stadig maar seker aan jou nuwe status as ma gewoond begin raak. Hierdie aanpassingsproses word deur kenners in drie fases verdeel: inneem, beheer en loslaatfase.
Elke vrou beweeg teen haar eie pas deur hierdie stadiums, afhangende van die geboorte en omstandighede ná die geboorte.
INNEEMFASE Dis die eerste paar dae ná die geboorte wanneer jy nog onseker is oor wat van jou verwag word. Jy is baie afhanklik van ander om jou fisiek en emosioneel met jou baba te help.
Jy kan ook besluiteloos voel en onseker wees oor of jy altyd die regte ding doen.
Dis normaal dat ’n nuwe ma aanhoudend die geboorteproses herleef deur daaroor te praat. In die eerste paar dae sal jy meer selfgesentreerd, sensitief en hoofsaaklik behep met jou eie herstel wees. Dit is ook baie normaal.
Hierdie fase skop in wanneer die herstelproses goed op dreef is. Jy is meer gemaklik daarmee om na jou baba om