Kyk en geniet

DIT was die inperking se skuld. Of dalk was dit eerder George Calombaris en sy trawante se invloed. Hoe dit ook al sy, al wat Alma geweet het, is dat Pieter byna drie maande lank vasgevang was voor die slim-TV en die Amazon Prime-intekening wat Klein-Pieter vir hulle aangeskaf het “om Pa uit te kwaad te hou” terwyl die kantoor gesluit was tydens die inperking.

MasterChef Australia. Sy het ook so ’n bietjie gekyk … al was daar níks wat jy haar oor kos maak kon leer nie. Pieter en die kinders het al 25 jaar lank elke aand hul borde skoon geëet. Bygesê: Dit was nou niks te fênsie nie. Rys, vleis en aartappels. ’n Boud op ’n Sondag met bykosse. Nou en dan ’n jêmrol vir poeding.

Met Piet se verjaardag het sy natuurlik uitgehaal met sy gunsteling: saggekookte afval met karamelpatat volgens sy ouma se resep. En sy het nog nooit