MENINGS OOR STORIES OP HUISGENOOT.COM
1 ‘ONS LEER ’N HELE NUWE MENSIE KEN’
Ashlea en Paul Myson was in ekstase toe hul dogtertjie, Stella, op ses jaar oud danksy ’n operasie aan haar larinks haar eerste woord sê
Sy’s pragtig! My nefie is outisties. Sy pa het laat begin praat, so hulle het aangeneem my nefie sal ook. Later het hulle besef iets anders skort. Vandag praat hy vlot Engels (in ’n Afrikaanse huis) en is hy verskriklik slim in wiskunde. Sterkte.
YOLANDI
Ons bid en wag nou amper vyf jaar dat ons seun sal praat. Iets wat ’n mens as so vanselfsprekend aanvaar. Min mense verstaan die eensaamheid, hartseer en stres op die ouer en kind. Elke kind verdien hul plekkie in die son.
LENÉ
Ek is ’n mamma nes jy, en my seuntjie is in presies dieselfde situasie as jou kind.
