’HY’T SOOS ’N GERAAMTETJIE OP STRAAT GELYK’
OP ONLANGSE foto’s lyk hy soos enige ander gelukkige seuntjie. Daar is ’n glimlag op sy gesig en hy lyk stralend gesond.
Op een foto – op pad na ’n troue – is hy netjies in ’n driestukpak geklee. Op ’n vroeër foto is hy ’n kleuter in ’n helderrooi kortbroek by bonkige wit tekkies – met ’n klein rugsakkie reg vir kleuterskool.
Maar op die heel eerste foto wat van hom geneem is, lyk hy glad nie so nie. Inteendeel. Hy het nie ’n draad klere aan nie, en hy lyk uitgeteer en diep ongelukkig. Dit lyk asof hy desperaat aan die lewe probeer klou terwyl hy vooroor leun om ’n slukkie te neem
