’n Stamboom maak nie ’n stoetooi

Is die stoetdier ’n skaap met ’n goeie stamboom of wat gebore is van ’n goeie ma, of is dit ’n vrugbare ooi met goeie wol en ’n goeie bouvorm? Dít is die belangrike vraag wat ’n stoetboer homself moet afvra oor die diere waarmee hy boer, sê mnr. Zeiss Jordaan van Sneeuberg-Dohnes naby Cradock.

Hy het weens die finansiële impak van die droogte in 2015 besluit om meer klem te plaas op presisievoeding en meerlingproduksie om sy speenpersentasie te verhoog en só sy produksie en wins op die plaas te verbeter om volhoubaar te kan voortboer (“Boer vooruit met meerlinge en presisievoeding”, 3 Desember 2020).

Dit het hom opnuut na sy stoetdiere laat kyk. Danksy eenvoudige rekordhouding met oorplaatjies by sy ooie en die Sneeuberg-Dohne-vrugbaarheidsindeks wat hy vir