BLY OP KOERS IN DIÉ SKEITYD
FEBRUARIE – die maand van Valentynsdag en die liefde. Vir baie paartjies is dit ’n tyd om romanse te vier. Boonop volg dit so kort op Januarie, wanneer ons voornemens maak soos om ons lewensmaat opnuut te waardeer.
Tog is die begin van die jaar ook die tyd waarin baie paartjies besluit om te skei.
“Ek sien elke jaar heelwat nuwe kliënte vanaf middel Januarie en Februarie, meer as in die ander maande van die jaar,” sê die Kaapse egskeidingsprokureur Bertus Preller. “Baie ongelukkige paartjies sien die Desembervakansie as ’n kans om as familie bymekaar te kom en dit wat stukkend is reg te maak. Maar dit kan ook spanningsvol wees, wat probleme vererger in ’n huwelik wat reeds besig is om te
