“Zdrasto, Kazvam se Suzani, sŭpruga sŭm na Marnus i maĭka na Daniel.”
“Hallo, my naam is Suzanne, ek is getroud met Marnus en is die ma van Daniel.”
SÓ het ek mense op die kusdorp Burgas in Bulgarye altyd gegroet. Marnus is ’n meganiese ingenieur en ek ’n onderwyseres. Ons het ’n kans gewaag en na Bulgarye verhuis nadat Marnus ’n werkgeleentheid aangebied is. Dit was ’n avontuur waarop niemand ons kon voorberei nie.
Ons was toe al vyf jaar getroud, maar het nog nie kinders gehad nie. Ons het die avontuur met sprankelende oë en groot opgewondenheid aangedurf. Nadat ons alles wat bekend was, agtergelaat en in die vreemde aangekom het, het die werklikheid