KIDS OPPIE KASSIE
Klein, maar getrain! Dít is hoe ’n mens die jong akteurs wat deesdae op ons televisieskerms pronk, kan opsom.
Die vermaakwêreld is nie ’n katjie wat jy sonder handskoene aanpak nie en hoewel dié akteurs nog jonk is, is dit juis hul uitstekende toneelspel, dissipline en toegewydheid tot hul karakters wat ’n mens onmiddellik opval.
El-Kody Langeveldt (9), Zoey Volkwyn (11) en Mishka Ross (5) is drie van die jongste akteurs wat week ná week op die kassie verskyn. El-Kody en Zoey vertolk die rolle van die Peterson-tweeling in die SABC 2-sepie 7de Laan, en Mishka is die skattige Stella in die kykNET-sepie Suidooster.
Mishka, die jongste van die drie, is van Kuilsrivier in Kaapstad en vertel babbelend dat sy mal is oor haar-familie.
