LEER LESSE VIR DIE LEWE
Die Covid-19-pandemie het die lewens van ons kinders onherroeplik verander.
Binne ’n rekordtyd moes kinders aanpas by die pandemie se reëls en regulasies. Skole is inderhaas gesluit, tuisonderrig was nou hul nuwe realiteit, mededingende sportsoorte is stopgesit en ontspanningsgeriewe is gesluit. Vasgevang in die huis met ’n groeiende vrees vir ’n onsigbare, maar dodelike vyand …
Nie net het baie ouers hul werk verloor nie, maar kinders moes ook die dood van ouers, grootouers, vriende en familielede weens die corona-virus hanteer. Die pandemie was vir grootmense ’n bitter pil om te sluk, so ’n mens kan nie eens dink hoe
