ONS JAAR VAN SWAARKRY EN SAMESYN
OP HUL troudag byna ’n jaar gelede het hulle die toekoms blinkoog tegemoetgegaan in die hoop dat die swaarkrydae vir hulle verby is.
Min het die sanger Manie Jackson en sy blonde bruid in haar meerminstyl-trourok toe geweet hul eerste huweliksjaar sou geen lang, sorgelose wittebrood wees nie. Nie met die coronaviruskrisis en inperking wat Manie se inkomste feitlik oornag sou laat opdroog en die geldskoen nog erger sou laat knyp nie …
Daarby het die groot K weer sy skadu oor Christel (39) kom gooi, en die vrees dat sy geliefde vrou van hom weggeruk kon word, het Manie (40) nog dieper in die depressie laat versink waarteen hy al jare lank stry.
“Hemel, daar was die een slag ná die ander,” sê hy by sy grasdakhuis in Sasolburg en skud sy kop. “Die jaar het ons behoorlik aan die hare beetgehad.”
Sedert hul sprokiestroue op 25 Januarie 2020 in die Magaliesberge het hulle al meer as die spreekwoordelike sewe sakke sout saam opgeëet, is hulle dit eens.
“Séwe?” sêvra Manie met ’n grynslag. “Eintlik was dit 1 000 sakke sout.”
Maande lank het hulle alles probeer om kop bo water te hou, maar steeds het die skuldeisers aan die deur kom klop. Toe aanlyn vertonings tydens die inperking begin posvat, het
You’re reading a preview, subscribe to read more.
Start your free 30 days